سوال:
میں نے ایک جگہ "الخلق عیال اللہ" حدیث شریف کے اس جزئیہ کا ترجمہ لکھا تھا کہ "تمام بنی نوع انسان اللہ تعالی کے بچے ہیں" کیا یہ مطلب صحیح ہے؟
جواب: حدیث شریف کے مذکورہ جملے "الخلق عیال اللہ" کی یہ تعبیر "تمام بنی نوع انسان اللہ تعالی کے بچے ہیں" بالکل غلط ہے، حدیث میں مخلوق کو "عیال اللہ" فرمایا گیا ہے، "عیال" بچوں کو نہیں کہتے، بلکہ ان لوگوں کو کہتے ہیں، جن کی کفالت کسی کے ذمہ ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (ص: 425)
عن انس وعبد اﷲ قالا قال رسول ﷲﷺ الخلق عیال ﷲ فاحب الخلق الی ﷲ من احسن الیٰ عیالہ۔
حاشیة المشکوٰۃ: (ص: 425، رقم الحاشیة: 4)
عیال اللہ: المراد عیال المرء بکسر العین من یعولہ ویقوم برزقہ وھو ھھنا مجاز و استعارۃ۔
واللہ تعالٰی اعلم بالصواب
دارالافتاء الاخلاص،کراچی