سوال: مفتی صاحب ! واپڈا كے ملازمین كے لیے 200-300 یونٹ یا ان کے گریڈ كے مطابق کچھ یونٹس حکومت کی طرف سے فری ہوتے ہیں، واپڈا كے ایک ملازم نے اپنے ماموں جو کہ دوسرے شہر میں رہتے ہیں، ان کے گھر کی بجلی اپنے نام کروا کر ان کو کچھ یونٹس فری میں دیدیے، واپڈا كے ملازمین ویری فائے کرنے کے لیے آئے تھے اور انہوں نے لکھ دیا کہ ہاں وہ ملازم یہیں رہتا ہے، حالانکہ وہ دوسرے شہر میں رہتا ہے، کیا اس طرح کرنا صحیح ہے؟

جواب: واضح رہے کہ واپڈا کی طرف سے ملازم کو جو فری یونٹس دیے جاتے ہیں، شرعاً ملازم کو ان یونٹس کا مالک نہیں بنایا جاتا ، بلکہ صرف اس کے لئے ان کا استعمال مباح کیا جاتا ہے، لہذا یہ یا اس طرح کی اور کوئی چیزیں جو بطورِ اباحت کے دی جائیں، کسی کو نہیں دی جاسکتی ہیں، لہذا پوچھی گئی صورت میں خیانت، دھوکہ اور جھوٹ کا گناہ بھی لازم آئےگا جو سراسر ناجائز و حرام ہے۔