سوال: کیا نامحرم کو سلام کرنا گناہ ہے؟ جیسے ایک جگہ پر کام کرتے ہوں اور ضرورت کی بات کرتے ہوئے منہ سے سلام نکل جائے تو کوئی گناہ تو نہیں ہوگا؟

جواب: واضح رہے کہ مرد غیر محرم بوڑھی عورت کو سلام کرسکتا ہے، اسی طرح اس کے سلام کا جواب بھی دے سکتا ہے، البتہ اجنبی جوان عورت کو سلام نہیں کرنا چاہیے۔
واضح رہے کہ یہ حکم اس وقت ہے، جب کسی اجنبی غیر محرم کو بغیر ضرورت کے سلام کیا جائے، البتہ اگر کسی غیر محرم سے کوئی ضروری بات کی جارہی ہو، تو اس وقت سلام کرنے کی گنجائش ہے۔