سوال: میں نے کافی لوگوں کو دیکھا ہے کہ وہ وضو کے دوران گفتگو کر رہے ہوتے ہیں، کیا وضو کے دوران گفتگو کرنا جائز ہے؟ براہ مہربانی وضاحت فرما دیں۔

جواب: وضو کے دوران منقول دعاؤں کا پڑھنا سنت عمل ہے، اور چونکہ دنیاوی گفتگو کرنے کی وجہ سے دعاؤں کے پڑھنے میں خلل واقع ہوتا ہے، اسی وجہ سے فقہاء کرام نے وضو کے دوران بلا ضرورت دنیاوی گفتگو کرنے کو مکروہ لکھا ہے، البتہ اگر کوئی ضروری بات ہو تو اس کے کرنے میں کوئی مضائقہ نہیں ہے۔