سوال: ایک پلاٹ خریدا تاکہ اس پر دکانیں بناؤں، عرصہ دس سال سے یہ پلاٹ ملکیت میں ہے، کیا اس پر زکوٰة واجب ہے؟ اگر ہے تو کس طرح ادا کروں؟

جواب: واضح رہے کہ جو مکان یا پلاٹ تجارت کی نیت سے خریدا گیا ہو، اگر ارادہ خریدتے وقت مارکیٹ بناکر آگے بیچنے کا تھا، تو سال گزرنے کے بعد موجودہ مالیت پر ڈھائی فیصد کے حساب سے زکوٰة آئے گی اور اگر ارادہ کرایہ پر دینے کے لیے مارکیٹ بنانے کا تھا، تو پلاٹ کا کرایہ بقدر نصاب ہونے پر کرایہ پر زکوٰة آئے گی، پلاٹ پر نہیں۔