سوال: مفتی صاحب! سوال یہ ہے کہ اگر کتا کسی پانی سے بھرے برتن میں منہ ڈال دے، تو کیا یہ پانی ہم بکری وغیرہ حلال جانوروں کو پلا سکتے ہیں، اور کیا اس پانی کے پلانے سے بکری وغیرہ کے دودھ پر کوئی اثر تو نہیں پڑے گا؟

جواب: ایسا پانی جس میں نجاست کا اثر ظاہر نہ ہو، حلال جانوروں کو پلانا جائز ہے، البتہ کتے کا جھوٹا نجس ہے، اس لیے حلال جانوروں کو پلانے میں اگرچہ گنجائش ہے، لیکن احتیاط اس میں ہے کہ ایسا پانی حلال جانوروں کو نہ پلایا جائے، تاہم اگر پلا دیا گیا، تو اس سے حلال جانوروں کے دودھ پر کوئی اثر نہیں پڑے گا۔