سوال: عرض یہ ہے کہ ایک ساتھی کے چاچو نے کھال بیچ کر پیسے دیئے کہ مدرسے میں جمع کروادینا۔ اس طالب علم نے اپنے ساتھیوں کو پیسے دے دیے اور دفتر میں جمع نہیں کروائے۔ کیا ان طلبہ کا وہ پیسے استعمال کرنا جائز ہے یا دفتر میں جمع کرانا ضروری ہے؟

جواب: واضح رہے کہ وکیل امین ہوتا ہے، لہٰذا اس کو حکمِ مؤکل کے خلاف تصرف کرنے کا حق حاصل نہیں ہوتا، لہٰذا وہ کھال کی رقم اس کے پاس امانت ہے، مؤکل نے جہاں پہنچانے کا کہا تھا، وہاں پہنچانا ضروری ہے۔