سوال: میں جس کمپنی میں ملازمت کرتا ہوں، کمپنی والے ملازمین کو جمعہ کی نماز کے لئے جانے نہیں دیتے ہیں، اگر کوئی چلا جائے، تو اس کی تنخواہ میں سے کچھ رقم کاٹ لیتے ہیں، سوال یہ ہے کہ کیا اس صورت میں جمعہ معاف ہے؟

جواب: ملازمین سے ملازمت کی وجہ سے جمعہ کی نماز معاف نہیں ہے، اور نہ ہی اس وجہ سے جمعہ کی نماز چھوڑنے کی اجازت ہے، بلکہ ملازمین پر واجب ہے کہ جمعہ کی اذان سننے کے بعد تمام کام چھوڑ کر جمعہ کی نماز کے لئے چلے جائیں، اگر اس وجہ سے تنخواہ میں سے کٹوتی کی جائے، تو اسے قبول کر لیا جائے، اسی میں دنیا و آخرت کی بھلائی ہے، البتہ اگر تنخواہ کی کٹوتی کے باوجود جمعہ کی نماز کی اجازت نہ ملے، تو دوسری ملازمت کے لئے ایسی جگہ تلاش کی جائے، جہاں جمعہ کی نماز ادا کرنے کے لئے جانے کی اجازت مل جاتی ہو۔