سوال: مفتی صاحب ! موجودہ گورنمنٹ ایک ہاؤس اسکیم لون دے رہی ہے، اس میں واپسی پر آپ کو 5 سے 7 فیصد تک سود دینا ہوگا، اور یہ اسکیم صرف ان لوگوں کے لیے ہے، جن کے پاس پہلے مکان نہیں ہیں، کیا اپنا مکان بنانے کے لیے اس اسکیم کے تحت قرض لینا جائز ہے؟
نوٹ: یہ اسکیم میزان بینک اور دوسرے بینک شریعہ کمپلائنس کے ذریعے دے رہے ہیں۔

جواب: واضح رہے کہ اسلامک بینکنگ کیلئے مستند علماء کرام نے شریعت کے اصولوں کے مطابق ایک نظام تجویز کیا ہے، اور قانونی طور پر بھی اسلامی بینکوں پر اس نظام کی پابندی لازم ہے، لہذا جو غیر سودی بینک مستند علماء کرام کی نگرانی میں شرعی اصولوں کے مطابق معاملات سرانجام دے رہے ہیں، تو ان کے ساتھ معاملہ کرنے کی گنجائش ہے.