سوال:
اس حدیث کی تصدیق فرمادیں: "عبداللہ بن مسعود سے روایت ہے کہ نبیﷺ نماز کے اختتام پر اپنی دائیں اور بائیں طرف سلام کیا کرتے تھے، حتی کہ آپ کے رخساروں کی سفیدی دیکھی جاتی تھی"۔(سنن نسائی، 1325)
جواب: جی ہاں! یہ حدیث سنن نسائی میں مذکور ہے، ذیل میں پوری روایت کا ترجمہ ذکر کیا جاتا ہے:
ترجمہ:حضرت عبداللہ بن مسعود ؓ سے روایت ہے کہ رسول اللہ ﷺ دائیں جانب سلام کہتے تھے: "السلام علیکم و رحمۃ اللہ" (اوراپنى گردن مبارک کو اتنا موڑتے تھے) یہاں تک کہ آپ کے دائیں رخسار مبارک کی سفیدی (پیچھے مقتدیوں) کو نظر آتى تھی اور آپ بائیں جانب سلام کہتے تھے: "السلام علیکم و رحمۃ اللہ" (اور اپنى گردن مبارک کو اتنا موڑتے تھے) یہاں تک کہ آپ کے بائیں رخسار مبارک کى سفیدى (پیچھے مقتدیوں) کو نظر آتى تھی ۔ (1)
امام ترمذى رحمہ اللہ (م 279ھ) نے اس حدیث کو "حسن صحیح" قرار دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
(1) سنن النسائي :(کتاب السهو/ كيف السلام على الشمال، 3/ 63، رقم الحدیث (1325)، ط: مكتب المطبوعات الإسلامية، حلب)
عن علقمة، والأسود، وأبي الأحوص، قالوا: حدثنا عبد الله بن مسعود، أن رسول الله صلى الله عليه وسلم كان يسلم عن يمينه: السلام عليكم ورحمة الله ،حتى يرى بياض خده الأيمن، وعن يساره: السلام عليكم ورحمة الله ،حتى يرى بياض خده الأيسر .
(2) قال الحافظ في "نصب الراية " 1/ 431، کتاب الصلاۃ/ باب صفة الصلاة: "أخرجه أصحاب السنن الأربعة،واللفظ للنسائي ،عن أبي إسحاق عن علقمة، والأسود، وأبي الأحوص، قالوا ثلاثتهم: ثنا ابن مسعود أن رسول الله صلى الله عليه وسلم كان يسلم عن يمينه: السلام عليكم، ورحمة الله، حتى يرى بياض خده الأيمن، وعن يساره، السلام عليكم، ورحمة الله، حتى يرى بياض خده الأيسر، انتهى. قال الترمذي: حديث حسن صحيح".
واللہ تعالٰی اعلم بالصواب
دارالافتاء الاخلاص،کراچی