سوال: مفتی صاحب! سوال یہ ہے کہ اگر کوئی شخص اپنے گھر والوں کو جمع کرکے گھر ہی میں جمعہ کی نماز ادا کرلے، تو کیا اس کا ایسا کرنا درست ہے؟

جواب: واضح رہے کہ جمعہ کسی قصبہ، شہر یا بڑے گاؤں جہاں لوگوں کو جمعہ میں آنے کی عام اجازت ہو، وہاں قائم کیا جائے، تو جمعہ ادا ہوجاتا ہے، البتہ مسجد کو چھوڑ کر جمعہ کی نماز گھر میں قائم کرنا مکروہ اور انتہائی ناپسندیدہ عمل ہے، اس لئے کہ اس میں مسجد میں نماز پڑھنے کی فضیلت حاصل نہیں ہوگی، اور یہ مسجد کی جماعت میں لوگوں کی تعداد کی کمی کا بھی باعث ہے۔