سوال: السلام علیکم، محترم مفتی صاحب ! ایک لڑکی مدرسے میں پڑھ رہی ہے، اس کے بال بہت لمبے ہیں، جس کا سنبھالنا اس کے لیے بہت دشوار ہے اور وہ لڑکی کمزور بھی ہے تو کیا اس کے لیے بال کٹوانا جائز ہے؟

جواب: شریعت نے عورتوں کے لمبے اور گھنے بالوں کو زینت کا باعث قرار دیا ہے، لہٰذا بغیر کسی عذر کے بالوں کو چھوٹا کرنے سے احتراز کرنا چاہیے، لیکن اگر بال اس قدر گھنے اور لمبے ہوں جو سرین (کولہے) سے بھی نیچے ہوجائیں، اور ان کو سنبھالنے میں غیر معمولی دشواری اور الجھن کا سامنا ہو، تو اس مجبوری کی وجہ سے سرین (کولہے) سے نیچے کے بالوں کو کاٹنے کی گنجائش ہے۔