سوال: مفتی صاحب! مجھے مسواک کی مقدار بتادیں کہ مسواک کتنی موٹی اور کتنی لمبی ہونی چاہیے؟ نیز مسواک کرنے کا سنت طریقہ اور فوائد بھی بتادیں۔

جواب: مسواک میں سنت یہ ہے کہ نرم ہو، لمبائی میں ایک بالشت کے برابر ہو، اس سے زیادہ لمبی یا چھوٹی نہ ہو، اور موٹائی میں ہاتھ کی سب سے چھوٹی انگلی کے بقدر موٹی اور سیدھی ہو، ٹیڑھی نہ ہو۔
مسواک کا سنت طریقہ یہ ہے کہ مسواک چوڑائی میں کی جائے، لمبائی میں نہ کی جائے۔
مسواک کے بہت سے فائدے علماء کرام نے ذکر فرمائے ہیں، بعض حضرات کا قول ہے کہ مسواک کے تیس سے بھی زیادہ فوائد ہیں، سب سے ادنی فائدہ یہ ہے کہ اس سے منہ صاف ہوجاتا ہے اور سب سے اعلی فائدہ یہ ہے کہ مرتے وقت کلمہ نصیب ہوجاتا ہے۔