سوال: میرے پاس تقریباً ساڑھے چار تولہ سونا ہے، میں اس کی زکاۃ نہیں ادا کرتی، لیکن میرے خیال سے اس کی زکاۃ فرض ہے، کیونکہ اس کی مالیت باون تولے چاندی سے زیادہ ہے، برائے مہربانی آ پ میرے مسئلے کا حل بتائیں۔

جواب: صورت مسئولہ میں اگر آپ کی ملکیت میں فقط ساڑھے چار تولہ سونا ہو، اور اس کے ساتھ چاندی، نقد روپیہ یا دیگر کوئی قابلِ زکوۃ چیز نہ ہو، تو چونکہ یہ سونے کا مکمل نصاب نہیں ہے، اس لیے صرف ساڑھے چار تولہ سونے پر زکوۃ واجب نہیں ہوگی۔