سوال: مفتی صاحب ! گھر سے باہر نکلتے وقت کی دعا بتادیں۔

جواب: جب گھر سے باہر نکلیں، تو یہ دعا پڑھیں:
(1) اَللّٰھُمَّ اِنِّیْ اَعُوْذُبِکَ اَنْ اَضِلَّ اَوْ اُضَلَّ اَوْ اَزِلَّ اَوْاُزَلَّ اَوْ اَظْلِمَ اَوْ اُظْلَمَ اَوْ اَجْھَلَ اَوْ یُجْھَلَ عَلَیَّ ۔
ترجمہ: اے اللہ ! میں آپ کی پناہ مانگتا ہوں، اس بات سے کہ میں گمراہ ہوں یا گمراہ کیا جاؤں ، یا لغزش کھاؤں یا پھسلایا جاؤں اور اس بات سے کہ میں کسی پر ظلم کروں یا کوئی دوسرا مجھ پر ظلم کرے یا جہالت برتوں یا میرے ساتھ جہالت برتی جائے۔
(سنن لابی داؤد، باب ما یقول اذا خرج من بیتہ، حدیث نمبر: 5093)
فضیلت: حضرت ام سلمہ رضی عنہا فرماتی ہیں کہ آپ صلی اللہ علیہ وسلم جب بھی گھر سے باہر تشریف لاتے، تو آسمان کی طرف نگاہ اٹھا کر مذکورہ دعا پڑھتے۔
یہ دعا بھی پڑھ سکتے ہیں:
(2) بِسْمِ اللَّهِ، لَا حَوْلَ وَلَا قُوَّةَ إِلَّا بِاللَّهِ، التُّكْلَانُ عَلَى اللَّهِ
ترجمہ: میں اللہ کے نام سے (نکلتا ہوں)، گناہوں سے پھرنے اور عبادت کرنے کی طاقت اللہ ہی کی طرف سے ہے، (اور) اللہ ہی پر (ہمارا) بھروسہ ہے۔
(السنن لابن ماجة، بَابُ مَا يَدْعُو بِهِ الرَّجُلُ إِذَا خَرَجَ مِنْ بَيْتِهِ، حديث نمبر: 3885)