سوال: جس عورت نے اپنے شوہر کے انتقال کے بعد دوسری شادی کی ہو تو وہ جنت میں اپنے دونوں شوہروں میں سے کس کے ساتھ رہے گی؟

جواب: اس سلسلے میں تین اقوال احادیث میں ملتے ہیں:
۱) دنیا میں سب سے آخر میں جس کی بیوی رہی ہوگی، جنت میں بھی اسی کے ساتھ ہوگی۔
۲) اگر اس عورت کے سارے شوہر جنتی ہوں تو اسے ان میں اختیار دیا جائے گا کہ وہ جس کے ساتھ رہنا چاہے، اسے اختیار کر لے۔
۳) دنیا میں اس عورت کے ساتھ جس شوہر نے اچھے اخلاق کا برتاؤ کیا ہوگا تو وہ عورت اس اچھے اخلاق والے شوہر کے ساتھ ہوگی۔ نیز اگر سب شوہر اخلاق میں برابر ہوں تو ایسی صورت میں عورت کو اختیار دیا جائے گا کہ وہ ان میں سے کسی ایک کو اپنا رفیق جنت بنا لے۔ بعض فقہائے کرام کی عبارات سے ان اقوال میں سے پہلا قول راجح معلوم ہوتا ہے۔