سوال: میری بیوی حاملہ ہے، اور ہم دونوں پر اس سال حج فرض ہوا ہے، میرا سوال یہ ہے کہ کیا میں بیوی کے حاملہ ہونے کی وجہ سے اپنا حج مؤخر کرسکتا ہوں، تاکہ میں اپنی بیوی کے ساتھ اگلے سال فرض حج ادا کرسکوں؟

جواب: واضح رہے کہ جس سال حج فرض ہوا ہو، تو اسی سال جس قدر ممکن ہو جلد سے جلد حج کے لئے جانا چاہیے، بغیر شرعی عذر کے حج کو مؤخر نہیں کرنا چاہیے، لہذا آپ اپنے حج کو مؤخر نہ کریں، بلکہ حج کے لئے چلے جائیں، اور آپ کی بیوی آئندہ آپ کے ساتھ یا اپنے کسی محرم کے ساتھ حج ادا کرلے۔