سوال: آج کل ولیمہ وغیرہ کی دعوتوں میں لوگ کھڑے ہوکر کھانا کھاتے ہیں، اس بارے میں کیا حکم ہے، وضاحت فرمادیں؟

جواب: بیٹھ کر کھانا کھانا حضور صلی اللہ علیہ وسلم کی سنت ہے، اور کھڑے ہوکر کھانا کھانے میں چونکہ کافروں سے مشابہت بھی پائی جاتی ہے، لہذا اگر کوئی شرعی ضرورت نہ ہو، تو بیٹھ کر کھانا کھانا چاہیے اور کھڑے ہوکر کھانا کھانے سے اجتناب کرنا چاہیے، البتہ اگر بیٹھ کر کھانے کے لیے جگہ موجود نہ ہو یا جگہ صاف نہ ہونے کی بناء پر کپڑے گندے ہوجانے کا اندیشہ ہو، تو کھڑے ہوکر کھانے کی گنجائش ہے۔