سوال: مفتی صاحب! میں کرایہ کے مکان میں رہتا ہوں، اور میرے پاس اتنی رقم جمع ہوچکی ہے، جس سے میں حج کرنے کی استطاعت رکھتا ہوں، یا اس سے اپنا ذاتی مکان بنوا سکتا ہوں، لیکن سوال یہ ہے کہ کیا میں اس رقم سے پہلے حج کروں یا کرایہ کے مکان سے چھٹکارا حاصل کرنے کے لئے اپنا ذاتی مکان بناؤں، براہ مہربانی وضاحت فرمادیں؟

جواب: اگر کوئی شخص حج کرنے کی استطاعت رکھتا ہو، اور حج کا زمانہ ہو، اور لوگ حج پر جارہے ہوں، تو ایسے شخص پر پہلے حج ادا کرنا لازم ہے، مکان بعد میں بھی بنایا جاسکتا ہے اور امید ہے کہ اللہ تعالیٰ اس حج کرنے کی برکت سے مکان بنانے کے لئے بعد میں انتظامات مہیا فرما دیں گے، کیونکہ حدیث شریف میں آتا ہے کہ حج فقر کو دور کردیتا ہے۔