سوال: سوال یہ ہے کہ اگر کوئی عورت عرفات کے میدان میں ہو، اور وہ حیض یا نفاس کی حالت میں ہو، تو کیا وہ ان حالتوں میں سورۃ الفلق، سورۃ الناس اور قرآنی دعائیں پڑھ سکتی ہے یا نہیں؟

جواب: واضح رہے کہ جو عورت حیض یا نفاس کی حالت میں ہو، تو اس کے لئے قرآن کریم کی کوئی بھی آیت یا سورت تلاوت کی نیت سے پڑھنا جائز نہیں ہے، چاہے وہ میدانِ عرفات میں ہو یا کسی اور جگہ ہو، البتہ قرآن مجید کی وہ آیت یا سورت جس میں دعا یا اللہ تعالی کی حمد و ثناء ہو، دعا یا ذکر کی نیت سے پڑھنا چاہے، تو پڑھ سکتی ہے، البتہ حیض یا نفاس کی حالت میں قرآنی دعاؤں کو نہ چھوئے، زبانی پڑھے یا اس طرح پڑھے کہ ان دعاؤں پر ہاتھ نہ لگے۔