سوال: اگر لوگ مسجد میں سیاسی جلسہ کرنا چاہیں، تو کیا شریعت میں ان کو اس کی اجازت ہے یا نہیں؟

جواب: واضح رہے کہ آج کل سیاسی جلسوں میں مخالف پارٹیوں کی برائیاں بیان کی جاتی ہیں، اور اکثر ان جلسوں میں غیبت، جھوٹ، دھوکا، عیاری اور وعدہ خلافی وغیرہ کی باتیں ہوتی ہیں، یہ تمام باتیں مسجد کے ادب و احترام کے خلاف ہیں، مشکاۃ شریف میں ہے کہ حضرت عمر فاروق رضی اللہ عنہ نے مسجد کے باہر کنارے پر ایک چبوترہ تعمیر کروا دیا تھا اور اعلان کر وادیا تھا کہ جس کو اشعار پڑھنا ہو یا بلند آواز سے بولنا ہو یا کوئی اور کام کرنا ہو، تو وہ چبوترہ پر چلا جائے، لہذا اگر خالص دینی مجالس کے علاوہ سیاسی جلسہ وغیرہ منعقد کرنا ہو، تو مسجد سے باہر کسی اور جگہ منعقد کرنا چاہیے۔