سوال:
مفتی صاحب! میری بیوی اپنے والد کی طرف سے حج بدل کرنا چاہتی ہے، سوال یہ ہے کہ کیا عورت حج بدل کرسکتی ہے یا حج بدل کے لئے مرد ہونا ضروری ہے؟
جواب: واضح رہے کہ عورت اگر حج بدل کرنا چاہے، تو کرسکتی ہے، بشرطیکہ وہ اپنے خاوند یا محرم کے ساتھ حج بدل کے لئے جائے، البتہ بہتر یہ ہے کہ مرد کو حج بدل کے لئے بھیجا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (257/1، ط: دار الفکر)
وفي الكرماني الأفضل أن يكون عالما بطريق الحج وأفعاله، ويكون حرا عاقلا بالغا، كذا في غاية السروجي شرح الهداية
ولو أحج عنه امرأة أو عبدا أو أمة بإذن السيد جاز ويكره هكذا في محيط السرخسي
واللہ تعالٰی اعلم بالصواب
دارالافتاء الاخلاص،کراچی