سوال: میری بیٹی کی شادی ہے اور میری زوجہ بھی بیمار ہے، اب اگر میں صدقہ کی نیت سے بکراذبح کرتا ہوں، تاکہ اس صدقہ کی برکت سے بیوی ٹھیک ہوجائے اور شادی بھی خیریت سے ہوجائے تو کیا میں خود اس سے کھا سکتا ہوں؟

جواب: صدقہ کے لیے بکرا ہی ذبح کرنے کو ضروری نہیں سمجھنا چاہیے، بلکہ صدقے میں بہتر یہ ہے کہ فقراء اور مساکین کی ضرورت کا خیال رکھا جائے، جس چیز کی ان کو ضرورت ہو، وہ چیز دیدی جائے یا رقم دیدی جائے، جس سے وہ اپنی ضروریات کو پورا کر سکے۔
تاہم بیٹی کی شادی خیر خیریت سے ہونے اور زوجہ کی بیماری کی صحت یابی کے لیےبکرا ذبح کرنا جائز ہے، لیکن محض ذبح کرنے سے صدقہ ادا نہیں ہوگا، بلکہ فقراء اور مساکین کو دینے سے صدقہ ادا ہوگا، لہذا جتنا گوشت فقراء اور مساکین میں تقسیم ہوجائے، وہ صدقہ شمار ہوگا۔