سوال: اگر شوہر کے دوست گھر پر مہمان بن کر آئیں، اور وہ کچھ کھانا بچا دیں، تو کیا ان کا بچا ہوا جوٹھا کھانا گھر کی عورتیں کھا سکتی ہیں یا نہیں؟

جواب: واضح رہے کہ اگر نامحرم مرد مہمان کھانا بچادیں، تو گھر کی عورتوں کے لئے اس بچے ہوئے کھانے کو کھانا جائز ہے، البتہ فقہاء کرام نے اس صورت میں جوٹھا کھانے کو مکروہ کہا ہے، جبکہ مرد نامحرم عورت کا جوٹھا یا عورت نامحرم مرد کا جوٹھا لذت حاصل کرنے کے لیے کھائے، اسی طرح نامحرم کا جوٹھا اس کی موجودگی میں ہو، تو منع ہے، اس سے بھی شیطان کو غلط وسوسہ ڈالنے کا موقع ملتا ہے۔