سوال:
مشرق بینک پاکستان مختلف ٹرانزیکشنز پر جو کیش بیک دے رہا ہے، کیا اس کا وصول کرنا جائز ہے؟
جواب: واضح رہے کہ مشرق بینک سودی اور غیر سودی دونوں طرح کے معاملات سرانجام دیتا ہے، اگر ان کا اسلامی بینکاری کا شعبہ مستند علماء کرام کی زیرنگرانی شرعی اصولوں کے مطابق کام کررہا ہو تو اس آفر کے سلسلے میں آپ ان کے شریعہ بورڈ کے علماء کرام سے رجوع کرکے کر ان کے فتوی اور تحقیق پر اعتماد کرتے ہوئے عمل کرسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مسند الحارث: (500/1، ط: مرکز خدمة السنة، المدینة المنورة)
عن عمارة الهمداني قال: سمعت عليا يقول: قال رسول الله صلى الله عليه وسلم: كل قرض جر منفعة فهو ربا۔
مرقاة المفاتیح: (2438/6، ط: دار الفکر)
هو [ای الربا] في الشرع فضل خال عن عوض شرط لأحد العاقدين في المعاوضة۔
واللہ تعالیٰ أعلم بالصواب
دار الافتاء الاخلاص،کراچی