سوال: ہماری مسجد سے متصل وقف قبرستان ہے، اور ہماری مسجد نمازیوں کے لئے تنگ پڑ رہی ہے، اور کمیٹی کے حضرات اس قبرستان کی کچھ جگہ کو مسجد میں شامل کرنا چاہتے ہیں، کیا ہم وقف قبرستان کی اس جگہ کو مسجد میں شامل کرسکتے ہیں؟

جواب: وقف قبرستان کی کسی بھی جگہ کو مسجد میں شامل کرنا شرعاً جائز نہیں ہے، البتہ اگر قبرستان ایسا ہو، جو استعمال نہیں ہو رہا ہو اور اس میں مردے بھی فی الحال نہیں دفنائے جارہے ہوں اور نہ ہی آئندہ دفنانے کی امید ہو، تو بعض فقہاء نے اجازت دی ہے کہ ایسے قبرستان کی جگہ کو مسجد میں شامل کرسکتے ہیں، لہذا شدید ضرورت کے وقت ایسا کرنے کی گنجائش ہوگی۔