سوال: عورت کا اپنے محرم مرد سے کم از کم ستر کتنا ہے؟ نیز کیا عورت اپنے باپ یا بھائی کے سامنے اپنے بچے کو دودھ پلا سکتی ہے؟

جواب: محرم مرد کے سامنے عورت کا سر، سینہ، پستان، پنڈلی اور باہوں کے علاوہ باقی سارا بدن ستر میں داخل ہے، لیکن اس کا یہ مطلب نہیں ہے کہ عورت ان اعضاء کو محرم مرد کے سامنے قصداً کھول کر رہے، بلکہ مطلب یہ ہے کہ اگر ان اعضاء میں سے اگر کوئی عضو محرم کے سامنے کھل جائے تو اس سے عورت گناہگار نہیں ہوگی، اور اگر ان اعضاء کے کھولنے کی وجہ سے فتنہ کا اندیشہ ہو تو پھر عورت کے لیے ان اعضاء کا کھولنا بھی جائز نہیں ہے۔
نیز عورت کا اپنے بھائی یا باپ کے سامنے اپنے بچے کو دودھ پلانا شرعاً جائز ہے، لیکن چونکہ یہ حیا اور ادب کے خلاف ہے، اس لیے اس سے احتراز کرنا چاہیے۔