سوال:
مفتی صاحب ! وتر عشاء کی نماز میں شامل ہیں یا وتر الگ نماز ہے؟ نیز اس کی نیت کیسے کریں؟
جواب: واضح رہے کہ وتر ایک مستقل نماز ہے، یہ عشاء کے فرض کے تابع نہیں ہے، البتہ عشاء کی فرض نمازاور وتر میں ترتیب لازم ہے، جس کی وجہ سے وتر کو عشاء کی نماز سے پہلے ادا کرنا صحیح نہیں ہے۔ نیز نیت کے واسطے دل سے یہ ارادہ کرلینا کافی ہے کہ میں وتر کی نماز ادا کر رہا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (رقم الحدیث: 1267)
وَعَن خَارِجَة بن حذافة قَالَ: خَرَجَ عَلَيْنَا رَسُولُ اللَّهِ صَلَّى اللَّهُ عَلَيْهِ وَسَلَّمَ وَقَالَ: إِنَّ اللَّهَ أَمَدَّكُمْ بِصَلَاةٍ هِيَ خَيْرٌ لَكُمْ مِنْ حُمْرِ النِّعَمِ: الْوَتْرُ جَعَلَهُ اللَّهُ لَكُمْ فِيمَا بَيْنَ صَلَاةِ الْعِشَاءِ إِلَى أَنْ يَطْلُعَ الْفَجْرُ . رَوَاهُ التِّرْمِذِيُّ وَأَبُو دَاوُد
واللہ تعالٰی اعلم بالصواب
دارالافتاء الاخلاص،کراچی