سوال:
جو شخص مونچھیں نہ کاٹے، وہ میری امت میں سے نہیں ہے۔ کیا یہ حدیث صحیح ہے؟
جواب: جی ہاں ! مونچھوں کو کم کرنے سے متعلق یہ بات حدیث "صحیح "سے ثابت ہے، ترمذی شریف میں یہ حدیث موجود ہے:
ترجمہ:حضرت زید بن ارقم رضی اللہ عنہ سے مروی ہے کہ آپ ﷺ کا ارشاد ہے:"جو شخص مونچھیں نہیں تراشتا، وہ ہم میں سے نہیں ہے"۔(سنن الترمذى: حديث نمبر 2761)
امام ترمذى رحمہ اللہ نے اس حدیث کو "حسن صحیح" قرار دیا ہے۔ (1)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
(1) سنن الترمذي :(أبواب الأدب/ باب ما جاء في قص الشارب، 4/ 390، رقم الحديث (2761)، ط: دار الغرب الإسلامي-بيروت)
عن زيد بن أرقم، أن رسول الله صلى الله عليه وسلم قال: "من لم يأخذ من شاربه فليس منا".
وقال: هذا حديث حسن صحيح.
واللہ تعالٰی اعلم بالصواب
دارالافتاء الاخلاص،کراچی