سوال:
مفتی صاحب ! میزان بینک میں انویسٹمنٹ کرکے ماہانہ منافع حاصل کرنا جائز ہے؟ کیا یہ منافع حلال ہے؟
جواب: واضح رہے کہ اسلامک بینکنگ کیلئے مستند علماء کرام نے شریعت کے اصولوں کے مطابق ایک نظام تجویز کیا ہے، اور قانونی طور پر بھی اسلامی بینکوں پر اس نظام کی پابندی لازم ہے، لہذا جو غیر سودی بینک مستند علماء کرام کی نگرانی میں شرعی اصولوں کے مطابق معاملات سرانجام دے رہے ہیں، تو ان کے ساتھ معاملہ کرنے کی گنجائش ہے۔
و اللہ تعالٰی اعلم بالصواب
دارالافتاء الاخلاص،کراچی