سوال: مفتی صاحب ! میرے پاس ساٹھ ہزار روپے کا سونا اور دس ہزار کیش ہیں، کیا مجھ پر زکوۃ فرض ہوگی اور اگر ہوگی تو کب ہوگی؟

جواب: صورت مسئولہ میں اگر آپ کے پاس مذکورہ سونے اور دس ہزار کیش کے علاوہ کوئی نقدی یا چاندی نہیں ہے اور دس ہزار کیش ضرورت سے زائد ہیں، تو مذکورہ سونا اور کیش ملا کر اگر اس کی قیمت ساڑھے باون تولہ چاندی کی قیمت کو پہنچتی ہے تو اس سونے اور کیش پر زکوٰۃ فرض ہوگی، اور اس کی ادائیگی دس ہزار کیش ملکیت میں آنے کے بعد قمری سال پورا ہونے پر واجب ہوگی۔