سوال:
میرے ایک رشتہ دار نے میرے پاس دس ہزار روپے امانت کے طور پر رکھوائے ہوئے ہیں، مجھے پیسوں کی ضرورت ہے، کیا میں ان دس ہزار روپوں میں سے کچھ رقم قرض کے طور پر لے سکتا ہوں؟
جواب: اگر کسی کے پاس امانت کے طور پر رقم رکھوائی گئی ہو، تو اس رقم کی حفاظت کرنا امین کے ذمہ لازم ہے، اور امین کے لئے اس رقم میں تصرف کرنا یا اس رقم میں سے قرض لینا مالک کی اجازت کے بغیر جائز نہیں ہوگا، البتہ اگر مالک کی طرف سے تصرف کرنے یا قرض لینے کی اجازت ہو، تو اس صورت میں امین کے لئے امانت میں تصرف کرنے یا اسے بطورِ قرض لینے کی اجازت ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (200/6، ط: دار الفکر)
لا يجوز التصرف في مال غيره بلا إذنه ولا ولايته
الھندیۃ: (338/4، ط: دار الفکر)
وأما حكمها فوجوب الحفظ على المودع وصيرورة المال أمانة في يده ووجوب أدائه عند طلب مالكه، كذا في الشمني. الوديعة لا تودع ولا تعار ولا تؤاجر ولا ترهن، وإن فعل شيئا منها ضمن، كذا في البحر الرائق.
واللہ تعالٰی اعلم بالصواب
دارالافتاء الاخلاص،کراچی