سوال: امانت کا کیا حکم ہے، تفصیل سے وضاحت فرمادیں؟

جواب: اگر کوئی شخص کسی دوسرے کی چیز اپنے پاس بطور امانت رکھنے کے لئے قبول کرلے، تو اس کے ذمہ اس چیز کی حفاظت کرنا شرعا واجب ہوجاتا ہے۔
اگر امین امانت کی حفاظت میں پوری کوشش کرے، لیکن اس کے باوجود امانت کسی ناگہانی آفت سے ضائع ہوجائے، مثلا وہ امانت ڈاکو یا چور لے جائے، تو اس صورت میں امین پر تاوان نہیں آئے گا اور اگر امانت امین کی طرف سے حفاظت میں غفلت و کوتاہی یا امانت میں تعدی (زیادتی) کرنے سے ضائع ہوئی ہو، تو امین پر امانت کا تاوان ادا کرنا لازم ہوگا۔