سوال: مفتی صاحب ! شریعت مطہرہ میں زکاۃ کے لئے سونا اور چاندی دونوں کا نصاب مقرر ہے، لیکن اس کے باوجود اگر کسی کے پاس صرف رقم ہو یا رقم اور نصاب سے کم سونا یا چاندی ہو، تو ان کی زکاۃ چاندی کے نصاب کے حساب سے نکالی جاتی ہے، میرا سوال ہے کہ زکاۃ سونے کے نصاب کے لحاظ سے کیوں نہیں نکالی جاتی، براہ مہربانی اس کی حکمت بیان فرمادیں؟

جواب: اسلام میں امیر اور غریب ہر ایک کا خیال رکھا گیا ہے، لہذا اسلام میں غرباء کا خیال رکھنے کی خاطر زکاۃ کی ادائیگی کے معاملہ میں چاندی کا نصاب مقرر کیا گیا ہے، کیونکہ سونے کے مقابلہ میں چاندی سستی ہوتی ہے، اور چاندی سے زکاۃ کا نصاب جلدی مکمل ہوجاتا ہے، جبکہ سونا مہنگا ہوتا ہے اور اس کا نصاب جلدی مکمل نہیں ہوتا ہے، لہذا چاندی کے نصاب میں غریبوں اور مسکینوں کا چونکہ فائدہ زیادہ ہے، اسی حکمت کے پیشِ نظر اسلام میں غریب لوگوں کا خیال رکھتے ہوئے چاندی کے نصاب کے مطابق زکاۃ کی ادائیگی مقرر کی گئی ہے۔