سوال: میں نے چند سال کی رہائش کے لئے ایک بنگلہ کرایہ پر لیا ہے اور اس چند سال کے کرایہ کی رقم بنگلہ کے مالک کو پیشگی ادا کردی ہے، پوچھنا یہ ہے کہ کیا پیشگی ادا کئے ہوئے کرایہ کی رقم پر زکوۃ واجب ہوگی؟

جواب: صورتِ مسئولہ میں جب بنگلہ میں چند سال رہنے کی کرایہ کی رقم پیشگی ادا کردی گئی ہے، تو وہ کرایہ کی رقم آپ کی ملکیت سے نکل کر بنگلہ کے مالک کی ملکیت میں داخل ہوگئی ہے، لہذا آپ پر اس کی زکوۃ واجب نہیں ہوگی، البتہ اگر اس رقم کی وجہ سے مالک صاحبِ نصاب ہوگیا، اور اس پر سال گزرجائے، تو مالک پر اس رقم کی زکوۃ ادا کرنا واجب ہوگا۔