سوال: مفتی صاحب ! حج یا جہاد سے واپسی پر سفر میں کیا پڑھنا چاہیے؟

جواب: جب رسول اللہ صلی اللہ علیہ وسلم کسی جنگ یا حج سے واپس تشریف لاتے، تو ہر بلند جگہ پر تین مرتبہ اَللّٰہُ اَکْبَر (اللہ بہت بڑا ہے) کہتے، پھر یہ دعا پڑھتے:
لاَ إِلَهَ إِلَّا اللَّهُ، وَحْدَهُ لاَ شَرِيكَ لَهُ، لَهُ المُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ. آيِبُونَ تَائِبُونَ عَابِدُونَ، لِرَبِّنَا حَامِدُونَ. صَدَقَ اللَّهُ وَعْدَهُ، وَنَصَرَ عَبْدَهُ، وَهَزَمَ الأَحْزَابَ وَحْدَهُ
ترجمہ: اللہ کے سوا کوئی معبود نہیں، وہ اکیلا ہے، اس کا کوئی شریک نہیں، اسی کی بادشاہت ہے، اور سب تعریف اسی کے لیے ہے، اور وہ ہر چیز پر کامل قدرت رکھتا ہے، ہم واپس آنے والے ہیں، توبہ کرنے والے ہیں، عبادت کرنے والے ہیں، اپنے رب ہی کی تعریف کرنے والے ہیں، اللہ نے اپنا وعدہ سچ کر دکھایا، اور اپنے بندے کی مدد فرمائی، اور اس اکیلے نے تمام (مخالف) گروہوں کو شکست دیدی۔
(صحيح البخاري، بَابُ الدُّعَاءِ إِذَا أَرَادَ سَفَرًا أَوْ رَجَعَ، رقم الحديث: 6385)