سوال:
میرے اوپر زکوٰۃ واجب ہوچکی ہے، اگر میں کسی مدرسہ کے طلبہ کے لئے اپنی زکوۃ کی رقم دینا چاہوں اور وہ رقم اس مدرسہ کے مہتمم کے ہاتھ میں دے دوں، تو کیا اس سے میری زکوۃ ادا ہوجائے گی؟
جواب: چونکہ عموما مدارس کے مہتمم حضرات طالب علموں کی طرف سے زکوۃ پر قبضہ کرنے کے وکیل ہوتے ہیں اور وکیل کا قبضہ مؤکل کا قبضہ شمار ہوتا ہے، لہذا صورتِ مسئولہ میں اگر آپ زکوۃ کی رقم مدرسہ کے مہتمم کے ہاتھ میں دے دیں گے، تو آپ کی زکوۃ ادا ہوجائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (269/2، ط: دار الفکر)
ولو خلط زكاة موكليه ضمن وكان متبرعا إلا إذا وكله الفقراء
(قوله ضمن وكان متبرعا) لأنه ملكه بالخلط وصار مؤديا مال نفسه. قال في التتارخانية: إلا إذا وجد الإذن أو أجاز المالكان اه أي أجاز قبل الدفع إلى الفقير۔۔۔۔۔(قوله إذا وكله الفقراء) لأنه كلما قبض شيئا ملكوه وصار خالطا مالهم بعضه ببعض ووقع زكاة عن الدافع۔۔۔۔الخ
واللہ تعالٰی اعلم بالصواب
دارالافتاء الاخلاص،کراچی