سوال: میں نے اپنی رقم بینک میں حفاظت کی غرض سے رکھوائی تھی، بینک ہر سال اس رقم میں سے زکوۃ کاٹ لیتا ہے، پوچھنا یہ ہے کہ کیا بینک کی طرف سے زکوٰۃ کی رقم کاٹ لینے سے، میری زکوٰۃ ادا ہوجائے گی؟

جواب: واضح رہے کہ زکوۃ کی ادائیگی کے لئے زکوۃ کی نیت کرنا ضروری ہے، لہذا اگر آپ نے اپنی رقم بینک میں جمع کراتے وقت زکوۃ کٹوانے کی نیت کی تھی یا بینک کو اپنی رقم سے زکوۃ کاٹنے کی اجازت دی تھی، تو بینک کا زکوۃ کی رقم کاٹ لینے سے آپ کی زکوۃ ادا ہوجائے گی، لیکن اگر آپ نے زکوۃ کی نیت نہیں کی تھی اور نہ ہی بینک کو زکوٰۃ کاٹنے کی اجازت دی تھی، تو بینک کی طرف سے زکوٰۃ کی رقم کاٹ لینے سے آپ کی زکوۃ ادا نہیں ہوگی اور آپ پر دوبارہ سے زکوۃ ادا کرنا لازم ہوگا۔