سوال:
میرے پاس میرے چھوٹے بھائی نے پانچ لاکھ روپے رقم رکھوائی ہے اور اس پر سال بھی گزر چکا ہے، پوچھنا یہ ہے کہ کیا مجھے چھوٹے بھائی کی رقم کی زکوۃ ادا کرنی ہوگی؟
جواب: صورتِ مسئولہ میں چونکہ آپ کا بھائی امانت کی رقم کا مالک ہے، لہذا اس رقم کی زکوۃ ادا کرنا آپ کے بھائی پر واجب ہے، آپ پر واجب نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (170/1، ط: دار الفکر)
هي تمليك المال من فقير مسلم غير هاشمي، ولا مولاه بشرط قطع المنفعة عن المملك من كل وجه لله - تعالى - هذا في الشرع كذا في التبيين
بدائع الصنائع: (90/2، ط: دار الكتب العلمية)
وأما الشرائط التي ترجع إلى المال فمنها: الملك فلا تجب الزكاة في سوائم الوقف والخيل المسبلة لعدم الملك وهذا؛ لأن في الزكاة تمليكا والتمليك في غير الملك لا يتصور۔۔۔الح
واللہ تعالٰی اعلم بالصواب
دارالافتاء الاخلاص،کراچی