سوال: میرا سوال یہ ہے کہ جماعت کی نماز سے پہلے اقامت کے بارے میں کیا حکم ہے ؟ کیا اقامت میں اللّه اکبر کی آواز پر اٹھنا چاہیے یا پہلے ہی صف بنا لینی چاہیے؟ور اگر کسی مسجد میں حیی علی الصلوة پر صف بندی ہوتی ہو تو وہاں کیا کرنا چاہیے؟ کیا انکے ساتھ ہی کھڑا ہونا چاہیے یا الله اکبر پر اٹھ جانا چاہیے؟

جواب: اقامت کے شروع ہی سے امام اور مقتدیوں کو  کھڑے ہوجانا چاہیے، تاکہ نماز شروع  ہونے سے پہلے صفیں سیدھی ہوجائیں۔

باقی نماز شروع ہونے سے پہلے امام کا مصلے پر آکر بیٹھ جانا اور حی علی الصلوة پر کھڑے ہونے کی پابندی کرنا اور اس کو سنت سمجھنا اور اس سے پہلے کھڑے ہونے کو برا سمجھنا نبی کریم صلی اللہ علیہ وسلم، صحابہ کرام، تابعین، تبع تابعین، ائمہ مجتہدین اور خلفائے راشدین کے عمل سے ثابت نہیں، اس لئے اس قسم کی پابندی سے بچنا ضروری ہے۔