سوال:
میں کراچی میں رہتا ہوں اور لاہور میں موجود ایک مستحق رشتہ دار کو منی آرڈر کے ذریعے اپنی زکوۃ کی رقم بھیجنا چاہتا ہوں، کیا میں منی آرڈر کے ذریعہ زکوۃ کی رقم بھیج سکتا ہوں اور کیا منی آرڈر کی فیس زکوۃ کی رقم سے کاٹ سکتا ہوں؟
جواب: منی آرڈر کے ذریعہ زکوٰۃ کی رقم مستحق تک پہنچانا جائز ہے، البتہ زکوۃ کی رقم سے منی آرڈر کی فیس ادا کرنا جائز نہیں ہے، اگر اس کی فیس زکوٰۃ سے ادا کی گئی، تو فیس میں ادا کردہ رقم کے بقدر زکوٰۃ ادا نہیں ہوگی اور اتنی رقم کا دوبارہ زکوۃ میں ادا کرنا لازم ہوگا، کیونکہ اتنی رقم کا مستحق مالک نہیں بنے گا اور زکوۃ کی ادائیگی کے لئے مستحق کو مالک بنانا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (256/2، ط: دار الفکر)
كتاب الزكاة۔۔۔۔۔۔(هي) لغة الطهارة والنماء، وشرعا (تمليك) خرج الإباحة، فلو أطعم يتيما ناويا الزكاة لا يجزيه إلا إذا دفع إليه المطعوم كما لو كساه بشرط أن يعقل القبض إلا إذا حكم عليه بنفقتهم (جزء مال) خرج المنفعة، فلو أسكن فقيرا داره سنة ناويا لا يجزيه (عينه الشارع) وهو ربع عشر نصاب حولي۔۔۔الخ
الھندیة: (170/1، ط: دار الفکر)
هي تمليك المال من فقير مسلم غير هاشمي، ولا مولاه بشرط قطع المنفعة عن المملك من كل وجه لله - تعالى - هذا في الشرع كذا في التبيين
واللہ تعالٰی اعلم بالصواب
دارالافتاء الاخلاص،کراچی