سوال: میں نے بھینسوں کا ایک باڑا بنا رکھا ہے، جس میں بھینسوں کو خرید کر پالتا ہوں، اور میں ان کو جنگل میں نہیں چراتا ہوں، بلکہ باڑے ہی میں میں نے ان کے کھانے پینے کا انتظام کر رکھا ہے اور میں ان سے دودھ حاصل کرتا ہوں اور پھر میں وہ دودھ مختلف دکانوں پر فروخت کردیتا ہوں، آپ مجھے یہ بتادیں کہ دودھ حاصل کرنے کے مقصد سے جو بھینسیں میں نے خریدی ہیں، کیا ان پر زکوۃ واجب ہوگی؟

جواب: واضح رہے کہ صورتِ مسئولہ میں آپ کے مذکورہ جانوروں پر زکوۃ واجب نہیں ہوگی، البتہ اگر ان سے حاصل شدہ دودھ کی قیمت نصاب کو پہنچ جائے اور اس پر سال بھی گزر جائے، تو دودھ کی قیمت پر زکوٰۃ واجب ہوگی۔