سوال:
مفتی صاحب ! ایک شخص متحدۃ عرب امارات میں رہتا ہے، اس کے پاس 7500 درہم ہیں، جن پر سال گزر گیا ہے، کیا اس پر زکاۃ آئے گی؟
جواب: واضح رہے کہ اس وقت سات ہزار پانچ سو دراھم کی مالیت ساڑھے باون تولہ چاندی کی قیمت سے زیادہ ہے، اور ان دراھم پر سال بھی گزر چکا ہے، لہذا ان دراھم پر زکوۃ واجب ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (267/2)
(وشرطہ) أی شرط افتراض ادائھا (حولان الحول) وھو فی ملکہ (وثمنیۃ المال کالدراھم والدنانیر) لتعینھما للتجارۃ باصل الخلقۃ فلتزم الزکاۃ کیفما امسکھما ولو للنفقۃ۔
رد المحتار: (262/2، ط: سعید)
ان الزکوٰۃ تجب فی النقد کیفما امسکہ للنماء أو للنفقۃ
البحر الرائق: (206/2)
ان الزکوٰۃ تجب فی النقد کیفما أمسکہ للنماء للنفقۃ ۔
واللہ تعالٰی اعلم بالصواب
دارالافتاء الاخلاص،کراچی