سوال: میں نے سنا ہے کہ عشری زمینوں کی پیداوار پر عشر اور نصفِ عشر واجب ہوتا ہے، لیکن مجھے یہ معلوم نہیں ہے کہ کس زمین کی پیداوار پر عشر اور کس کی پیداوار پر نصفِ عشر واجب ہوتا ہے، براہِ مہربانی اس بات کا وضاحت سے جواب دے دیں؟

جواب: ہر وہ زمین جس کی آبپاشی ایسے پانی سے کی جاتی ہو، جس میں خرچہ نہ آتا ہو، مثلاََ بارش یا نہروں سے سیراب کی جانے والی زمین، تو اس کی پیداوار پر عشر واجب ہوتا ہے اور ہر وہ زمین جس کی آبپاشی ایسے پانی سے کی جاتی ہو، جیسے کنویں یا تالاب وغیرہ کا پانی یا خریدا ہوا پانی کہ جن سے آبپاشی کرنے کی صورت میں خرچہ آتا ہو، تو اس زمین کی پیداوار پر نصفِ عشر واجب ہوتا ہے، البتہ اگر کوئی زمین ایسی ہو، جس کی آبپاشی مذکورہ دونوں قسم کے پانی سے کی جاتی ہو، تو اس صورت میں غالب پانی کا اعتبار ہوگا، اگر غالب خرچہ والا پانی ہے، تو نصفِ عشر، ورنہ عشر واجب ہوگا۔