سوال: اگر کوئی شخص کسی کی امانت اپنے پاس رکھے اور اس امانت کی حفاظت کرنے پر امانت رکھوانے والے سے اجرت مقرر کرکے وصول کرے، تو کیا ایسا کرنا جائز ہے؟

جواب: امین کے لئے امانت کی حفاظت کرنے پر اجرت مقرر کرکے اجرت لینا جائز ہے، اور بلا تعدی (بلا زیادتی) امانت ضائع ہونے کی صورت میں امین ضامن نہیں ہوگا، البتہ اگر امین کی طرف سے امانت کی حفاظت میں غفلت و کوتاہی یا اس میں تعدی (زیادتی) کرنے کی وجہ سے امانت ضائع ہوئی ہو، تو امین پر امانت کا تاوان ادا کرنا لازم ہوگا۔