سوال: اگر کوئی شخص بھولے سے صفا کے بجائے مروہ سے سعی کرنا شروع کرے اور الٹی سعی کرے، تو اس کے لئے کیا حکم ہے؟

جواب: صفا سے سعی شروع کرنا واجب ہے اور مروہ پر سعی ختم کرنا واجب ہے، لہذا اگر کوئی شخص مروہ سے سعی کی ابتداء کرے، تو اس کا پہلا مروہ سے صفا کی طرف والے چکر کا اعتبار نہیں ہوگا اور باقی چھ چکر معتبر ہوں اور وہ شخص آخر میں ایک اور چکر لگائے گا، تاکہ سات چکر مکمل ہوجائیں، البتہ اگر کوئی شخص آخری چکر نہ لگائے، تو اس صورت میں اس پر صدقہ یعنی نصف صاع (پونے دو سیر) گندم یا اس کی قیمت دینا واجب ہوگا۔