سوال:
مفتی صاحب! میں حفظ قرآن کا طالب علم ہوں اور اس کے ساتھ میں ایک یونیورسٹی کا طلب علم بھی ہوں، کیا میں اپنے نام کے ساتھ حافظ لکھ سکتا ہوں؟ اوراگر کوئی پوچھے کہ کیا آپ حافظ ہو تو میں کیا جواب دوں؟
جواب: عرف عام میں "حافظ" اسے کہا جاتاہے، جس نے مکمل قرآن کریم حفظ کرلیا ہو، چونکہ آپ ابھی حفظ کر رہے ہیں اور آپ کا حفظِ قرآن مکمل نہیں ہوا ہے، اس لئے آپ کو اپنے نام کے ساتھ فی الحال "حافظ" نہیں لکھنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المنثور في التفسير بالمأثور: (8/ 147، ط: دار الفکر)
"وأخرج عبد بن حميد وابن جرير وابن المنذر عن أبي صالح قال: قال المسلمون: لو أمرنا بشيء نفعله فنزلت {يا أيها الذين آمنوا لم تقولون ما لا تفعلون} قال: بلغني أنها نزلت في الجهاد كان الرجل يقول: قاتلت وفعلت ولم يكن فعل فوعظهم الله في ذلك أشد الموعظة.
وأخرج ابن مردويه عن ابن عباس قال: كان رسول الله صلى الله عليه وسلم يبعث السرية فإذا رجعوا كانوا يزيدون في الفعل ويقولون قاتلنا كذا وفعلنا كذا فأنزل الله الآية"
و اللہ تعالٰی اعلم بالصواب
دارالافتاء الاخلاص،کراچی