سوال: براہ کرم اس کی تصدیق فرمادیں: "حضرت طاؤس یمانی فرماتے ہیں کہ میں نے حضرت حسن بن علی رضی اللہ عنہ سے پندرہ شعبان کی رات اور اس میں عمل کے بارے میں پوچھا تو آپ نے فرمایا کہ میں اس رات کو تین حصوں میں تقسیم کرتا ہوں، ایک حصہ ناناﷺ پر درود شریف پڑھتا ہوں، دوسرے حصے میں اللہ تعالیٰ سے استغفار کرتا ہوں، تیسرے حصے میں نماز پڑھتا ہوں، میں نے عرض کیا کہ جو شخص یہ عمل کرے تو اس کے لیے کیا ثواب ہے؟ آپ رضی اللہ عنہ نے فرمایا کہ میں نے حضرت علی رضی اللہ عنہ سے سنا اور انہوں نے آپ ﷺ سے سنا، آپ ﷺ نے فرمایا: اسے مقربین لوگوں میں لکھ دیا جاتا ہے"۔

جواب: سوال میں مذکور حدیث حافظ سخاوی رحمۃ اللّٰہ علیہ نے اپنی کتاب "القول البدیع" میں صفحہ نمبر ٣٩٦ پر ذکر فرمائی ہے اور اس حدیث کے متعلق فرمایا ہے:
"لم أقف لذلک علی أصل أعتمدہ، واللہ أعلم"
ترجمہ:
مجھے اس حدیث کی کوئی معتبر سند نہیں ملی ہے، واللہ اعلم۔
لہذا اس حدیث کی نسبت آنحضرت صلی اللّٰہ علیہ وسلم کی طرف کرنا درست نہیں ہے۔