سوال: السلام علیکم، مفتی صاحب ! میں نے پلاٹ کے لئے ایک کمپنی کو اپلائی کیا ہے، بکنگ کی رقم جمع کروا دی ہے، بقایا رقم قسطوں میں جمع کروانی ہوگی، پلاٹ کا قبضہ 3 سال بعد ملے گا، کچھ مجبوری کی وجہ سے میں یہ فائل ابھی بیچنا چاہتا ہوں، کیا یہ فائل میں ابھی بیچ سکتا ہوں؟ رہنمائ فرمائیں

جواب: صورت مسئولہ میں اگر آپ کے پلاٹ کا محل وقوع واضح طور پر متعین ہو،یعنی اس کے حدود اربعہ ( مشرق، مغرب،شمال اور جنوب) معلوم ہو، اور پلاٹ کے پہچاننے میں کسی قسم کی جہالت نہ ہو، تو اس کی فروخت آگے جائز ہوگی، اگرچہ اس کی مکمل قسطیں ادا نہ کی گئی ہو، لیکن اگر پلاٹ کا محل وقوع واضح طور پر متعین نہ ہو، یعنی اس کے حدود اربعہ میں کیا کیا ہے تو محل وقوع مجہول ہونے کی وجہ سے ایسے پلاٹ کی خرید وفروخت جائز نہیں ہے۔