سوال:
مفتی صاحب! کئی سالوں سے ایک شخص اپنی زکوة ایک عورت کو مستحق زکوة سمجھ کر دیا کرتا تھا، پھر بعد میں ظاہر ہوا کہ وہ عورت تو عیسائی تھی، اب کیا حکم ہے؟ کیا اتنے سالوں کی زکوة دوبارہ دینی پڑے گی، جو کہ ایک مشکل کام ہے؟
برائے مہربانی اس میں رہنمائی فرمائیے گا۔
جواب: عیسائی چونکہ زکوٰۃ کا مصرف ہی نہیں ہے، اس لیے عیسائی کو زکوٰۃ دینے سے زکوٰۃ ادا نہیں ہوگی، لہذا جتنے سالوں کی زکوٰۃ ان کو دی ہے، وہ دوبارہ ادا کرنی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مصنف ابن أبي شیبة: (ما قالوا في الصدقة یعطي منها أهل الذمة، رقم الحدیث: 10410)
"عن إبراهیم بن مهاجر قال: سألت إبراهیم عن الصدقة علی غیر أهل الإسلام، فقال: أما الزکاة فلا، وأما إن شاء رجل أن یتصدق فلا بأس".
الدر المختار: (2/352، ط: سعید)
(دفع بتحر) لمن یظنہ مصرفاً(فبان انہ عبدہ أومکاتبہ أو حربی ولو مستأمنا اعادھا) لمامر (وان بان غناہ أو کونہ ذمیا او انہ ابوہ أو ابنہ او امراتہ او ھاشمی لا) یعید لانہ أتی بما فی وسعہ حتی لو دفع بلا تحرلم یجز ان أخطا۔
واللہ تعالٰی اعلم بالصواب
دارالافتاء الاخلاص،کراچی